Түркітілдес журналистер қоры «Halyk Bank» АҚ-ның серіктестігімен қазақстандық БАҚ өкілдері арасындағы қаржы тақырыбына негізделген «Еркін сөз»-2021 шығармашылық байқауын жариялады, деп хабарлайды Olzha.kz.

Журналистердің кәсіби білігін арттыру және қаржы саласындағы білімін жетілдіру мақсатында ұйымдастырылатын «Еркін сөз» байқауына қазақ тілінде мақала жазатын және хабар тарататын барлық республикалық, халықаралық және аймақтық БАҚ өкілдері қатыса алады. БАҚ өкілдері “Үздік мақала”, “Сайттағы үздік мақала” және “Үздік телесюжет” аталымдары бойынша сайысқа түседі. Әр аталым бойынша тағайындалатын Бас жүлде – 500 000 теңге.

Байқауға қаржы тақырыбындағы, оның ішінде банк саласына қатысты материалдар қабылданады. Материалдар 2021 жылдың 1 қаңтарынан 2021 жылдың 5 шілдесіне дейін жарияланған немесе эфирге шыққан болуы шарт. Оны erkinsoz2021@gmail.com электронды поштасына жолдау керек (Call centre: + 7 775 166 8920).

Жеңімпаздарды айқындау және сыйлықтарды тағайындау Байқау комиссиясының шешімімен жүзеге асырылады. Байқау комиссиясы қабылданған материалдарды іріктеу барысында оның объективтілігіне, журналистің кәсіби шеберлігіне, мәселенің көтерілуі және оны жан-жақты ашып көрсетуіне, материалдар туғызған қоғамдық резонанс пен түйткілдерді шешу жолдарына, ұсынылған материалдардың қоғамға пайдалылығына назар аударады. Байқау комиссиясының құрамына белгілі журналистер, мемлекет және қоғам қайраткерлері, үкіметтік емес ұйымдардың өкілдері кіре алады.

«Еркін сөз»-2021 шығармашылық байқауының қорытындысы 2021 жылдың 19 шілдесінде жарияланады.

Толық ақпарат үшін: +7 775 166 8920.

«Қауіпсіз туризм сертификаты» бағдарламасы нәтижесінде Түркия елі 2020 жылдың маусым айынан бастап ел шекарасын ашып, туристер қабылдай бастады. Бұл туралы Түркияның туризмді насихаттау және дамыту  Агенттігінің басқарма мүшесі Еркан Йаккы онлайн режимінде өткен бейне – конференция кезінде айтты. 

Бурса қаласында өткен жиынға    Қазақстан мен Қырғыз елінің  журналистері қатысты. Еркан Йаккы мырза атап өткендей «Қауіпсіз туризм сертификаты» бағдарламасы 150 критерий мен ережеден тұрады.

«Пандемия кезеңінде туризм саласы үшін дағдарыс болғаны жасырын емес. Шекаралар жабылып, әуе рейстері тоқтатылып, қонақүйлер  жұмысы тұралап қалған кезде біздің Туризм министрлігі кәсіпкерлерге қолдау көрсетті. Біз болашаққа үмітпен қарадық. 2020 жылдың маусым айынан бастап біз «Қауіпсіз туризм сертификаты» бағдарламасын әзірлеп, оны қонақүйлерге беріп, сол бағдарлама бойынша елде туристер мен қонақтарды қабылдай бастадық.  «Қауіпсіз туризм сертификаты» бағдарламасында 150 критерий  көрсетілген. Ай сайын осы қауіпсіздік сертификатын алған қонақүйлер мен мейрамханаларды бақылап, тексеріп отырамыз. Басты 3 ереже бар: ол — маска тағу, әлеуметтік ара қашықтық  пен тазалық сақтау», — деді Еркан Йаккы. 

Түркияның туризмді насихаттау және дамыту Агенттігінің басқарма мүшесі Еркан Йаккының сөзінше жаңа жағдайға бейімделіп, білім беру де бірінші кезекте тұрған мәселелердің бірі болды.

«Алдымен біз қонақүйлер мен мейрамханалар қызметкерлеріне  пандемия кезіндегі ерекше тазалық сақтау жолдарын үйреттік. Тағы айта кетерлігі, елдегі қонақүйлердің бөлмелер саны 30-дан асса, олар «Қауіпсіз туризм сертификаты» бағдарламасын алып, ондағы талаптарды ұстануға міндетті. Бұл барлық қала, аймақ, аудандарға қойылатын ортақ талап. Әр шағын аудан мен қалада осы ережелердің сақталуын қадағалайтын  инспекторлар бар. Түркия 2020 жылы 16 миллион туристі қабылдаған жалғыз мемлекет. Биыл біз осы көрсеткішті көбейтіп, 32 миллион  турист қабылдаймыз деген ойдамыз.  Осы тұста вакцина егу жұмысы да өте маңызды. Біз туризм саласында жұмыс істеп, көпшілікпен   байланысқа түсетін қызметкерлерге вакцина егу жұмыстарын бастадық. Вакцина егу мен «Қауіпсіз туризм  сертификаты» бағдарламасы арқылы туризм саласы жанданады деп ойлаймын. Түркия — туризм саласында жетістікке жеткен  елдердің бірі деп толық айта аламын», — деді Түркияның туризмді насихаттау және дамыту Агенттігінің басқарма мүшесі Еркан Йаккы.

Жиында айтылғандай пандемия кезінде Түркияға келген демалушыларға айыппұл салынған емес. Маска тақпай немесе әлеуметтік ара қашықтық сақтамағандарға тек ескерту жасалады. Қонақүй қызметкерлері туристтің маскасыз жүргенін байқап қалса, ескерту жасап қана қоймай, мейманға маска ұсынады. 

Айта кетейік, 2019 жылы Түркия 50 миллион турист қабылдаса, пандемия кесірінен 2020 жылы олардың саны 16 миллион болды. Пандемия кезеңінде бүкіл әлем елдері 74% турист жоғалтты. Ал, Түркия елінде шығын әлдеқайда аздау болды, яғни басқа мемлекеттерге қарағанда жыл  табысты аяқталды. 2023 жылы    құрылғанына 100 жыл толатын Түркия туризм саласын дамыту үшін ауқымды жоспар әзірлемек.  

Бурса қаласында онлайн режимінде  өткен бейне – конференцияға қатысқан қазақ және қырғыз елінің журналистері Түркияның туризм министрлігі ұйымдастырған «Стамбұл — Бұрса» бағдарламасының нәтижесінде Стамбұл, Бұрса, Изник, Гөлйазы қалаларында, Жұмалықызық ауылында, Ұлыдағ (Ұлытау) тау-шаңғы курортында болып, сол елді мекендердегі тарихи-мәдени жерлерімен танысты. Қазақ  делегациясын Түркітілдес журналистер қорының президенті Нәзия Жоямергенқызы бастап барды.  «Стамбұл — Бұрса» жобасын үйлестірген Түркияның туризмді насихаттау және дамыту Агенттігі (TGA). Агенттік ел экономикасына  туристік инвестицияларды көбейтіп,  ішкі және халықаралық туризм нарығында қызмет көрсету сапасын жоғарлатумен айналысады.   Ведомства Түркияның туристік әлеуетінде қысқа мерзімді және ұзақ мерзімді, маркетингтік  байланыстарды дамытуда бренд саналады. Түркияның туризмді насихаттау және дамыту Агенттігі (TGA) мемлекеттің мәдениет және туризм министрлігінің саясаты мен стратегиясы аясында, туризм саласын дамыту мақсатында барлық жарнамалық, маркетингтік, коммуникациялық шаралар атқарады. 

«Қауіпсіз туризм сертификаты» бағдарламасы 2020 жылы саланың негізгі секторларымен ақылдасып, қабылданған. Оның ауқымы кең. Бағдарлама туристер мен жергілікті тұрғындардың денсаулығын, әл-ауқатын сақтау мақсатында бір- бірімен тығыз байланысқан бірнеше органдардың жұмысын айқындайды.  Тізімде азық-түлік пен сусындар өндіретін кәсіпорындар, көлік пен қонақүй бизнесі қамтылған.

Ләззат Ноғайбай

Стамбұлдағы Истиклял даңғылында орналасқан «Атлас» тарихи кинотеатры 2019-2020 жж. аралығында қайта жөндеуден өткеннен кейін көрерменге есігін ашты, деп хабарлайды Qainar.kz.

Ашылу салтанатына Түркия Республикасының президенті Реджеп Тайип Ердоғанмен бірге кілемге танымал режиссер Гай Ричи, актерлар Джейсон Стетхэм, Джош Гарнетт, Джеки Эйнсли, қазір Гай Ричи Антальяда түсіріп жатқан «Бес көз» жаңа фильміне түсіп жатқан актерлар мен актрисалар қатысты.

Іргетасы 1948 жылы қаланған кинотеатрда 483 орын, 13 және 7 метрлік сахна бар. Аталған нысанның ішінде 8 мыңнан астам түрік фильмінің материалдары, әлемдік және түрік кинематографиясы тарихындағы естеліктер, марапаттар қойылған Кинематограф музейі орналасқан.

Кинотеатр мен музей орналасқан ғимарат 1870 жылы Абдул-Азиз сұлтан билігі кезінде салынған. Неоклассика, стиліндегі нысан мәрмәр тастармен, түрлі құрылыс материалдарымен декорацияланған. Таксим алаңы мен Йешилчам көшелерінің қиылысындағы кинотеатр Бейоғлұ ауданындағы Beyoğlu Culture Road тарихи көшесінің ажырамас бір бөлігі іспетті.

Ұйғыр ауданында көз сүйсінетін, табиғаты таңғажайып керемет жерлер жетерлік. Өңірде туризм саласын дамыту бойынша бірқатар жұмыстар атқарылуда, деп хабарлайды Qainar.kz.
Аудан бюджетіне туризмнен түсетін қаражаттың басым бөлігі табиғи ескерткіштер мен ыстық су көздеріндегі нысандарға келетін ішкі саяхатшылар болып табылады. «Арасан» табиғи минералды су көздеріндегі туризм инфрақұрылымы қарқынды дамып, демалыс орындары жыл санап артуда.
Мәселен, өткен жылы ауданға 62 мың 500 турист келген. Қонақтарға 310 млн 500 мың теңгеге қызмет көрсетілді.

Шипалы ыстық су көздеріндегі емдеу орындарында туристерді қабылдауға арналған 2-3-4 орынды және люкс бөлмелері, суға түсу ванналары, ашық және жабық бассейіндер, тамақтану орындары қарастырылған. Геотермал сулардың емдеу-сауықтыру қасиеттері де бар. Жер асты термальды сулары маусымдық туризмді дамытудың жаңа мүмкіндігі. Бұл жерде жер астынан шыққан минералды суда қоңыр күзден жаз шыққанша шомылуға болады. Ағзаға да, бұлшық ет пен сіңірді қыздыруға да пайдалы. Ыстық судың ырысын көріп, тыныққандардың басым бөлігі шетел асып, қаржыны сыртқа шашқанша өз елімізде демалып, мемлекетіміздің экономикасын нығайтқан әлдеқайда артық екенін айтады. Сондай-ақ мұндағы демалыс орындары жергілікті тұрғындарды тұрақты жұмыспен қамтып келеді. Алдағы уақытта Ұйғыр ауданында тағы да бірнеше ірі қонақ үй мен демалыс орындары қолданысқа беріледі деп күтілуде.

2021 жылғы көрсеткіш бойынша туристік нысандар саны 53 демалыс орнына жеткен.
Сонымен қатар, «Шарын шатқалы», «Ерен тоғай» туристік нысандарында туристерді қабылдау жұмыстары жүргізіліп келеді.
Аудандағы туризм жөніндегі мәселелердің ұйытқысы болып отырған Шарын мемлекеттік ұлттық табиғи паркі. Парк құрамына Шарын шатқалы, Қамалдар мен аңғарлар, Үлкен Бұғыты тауы және Сарытоғай, Ерен тоғайы кіреді. Мекеменің негізгі міндеттері табиғи кешендерді қорғау, сақтау, зерттеу және қалпына келтіру, ғылыми жұмыстарды жүргізу, экологиялық ағартуды ұйымдастыру, экологиялық туризмді, шектелген шаруашылық қызметті ұйымдастыру және жүзеге асыру болып табылады.
Парк аумағында жалпы қашықтығы 49 шақырымды 4 туристік маршрут жасалынған.
Олар: 1. Шарын шатқалы, Бейіттер мен қорғандар; 2. Ерен тоғай; 3. «ЭКО Парк Тур» — Шарын шатқалы,«Подгорный» балалар лагері және арасан. Бұл маршруттарда 2-көру алаңы, 1-түсу орны, 1-автотұрақ жасалынып, 52 орындық киіз үй, 3 қонақ үй жұмыс істеуде.
Туристерді — жасы 5 млн жылдан асқан, палеоген дәуірінен сақталып қалған, соғды ерені табиғи ескерткішімен таныстырады. Туристер Шарын ерен тоғайы арасында 7 адамның құшағы әрең жететін алып, ақсақал ағаштары бар, әлемде екі-ақ жерде кездесетін ереннің табиғи өскен ортасын көре алады.
Аудандағы көрікті жерлер бүгінде ірі туристік мекендерге айналып, туризм саласындағы бәсекелестік пен сапалық көрсеткіштер едәуір артуда.

Жыл сайын 4 ақпанда Халықаралық обырға қарсы одақтың (UICC) бастамасымен Дүниежүзілік обырға қарсы күрес күні атап өтіледі. Біздің мақсатымыз – халықтың онкологиялық аурулардың алдын алу және ерте анықтау туралы хабардарлығын арттыру, өз денсаулығына жауапкершілікпен қарауды қалыптастыру, қолжетімді скринингтік тексерулер туралы ақпараттандыру.

Жыл сайын елімізде қатерлі ісіктің 36 мыңға жуық жаңа оқиғалар тіркеледі. Бүгінгі таңда диспансерлік есепте 190 мыңға жуық қазақстандық тұр. Жыл сайын онкологиялық аурулардан шамамен 14 мың адам көз жұмады.

Қазақстанда қатерлі ісіктің ең көп тараған түрлері: сүт безі обыры, өкпе обыры, асқазан обыры, жатыр мойны обыры және колоректалды обыр болып табылады.

Қазақстанда жатыр мойны обырын, сүт безі қатерлі ісігін және тік ішектің қатерлі ісігін ерте анықтау бойынша ұлттық скринингтік бағдарламалар жүргізіледі. Қазақстан азаматтарына онкологиялық ауруларды диагностикалау және емдеу тегін медициналық көмектің кепілдендірілген көлеміне (ГОБМП) кіреді және мемлекеттік бюджеттен толығымен қамтылған.

Қазақстанда онкологиялық көмекті жетілдіру Қазақстан Республикасының Денсаулық сақтау саласын дамытудың 2020-2025 жылдарға арналған мемлекеттік бағдарламасының және Қазақстан Республикасында онкологиялық аурулармен күрес жөніндегі 2018-2022 жылдарға арналған Кешенді жоспардың міндеттерін іске асыру шеңберінде жүзеге асырылады.

Жалпы статистика

2020 жылдың қорытындысы бойынша республикада 100 мың тұрғынға шаққанда қатерлі ісіктермен (ҚТ) ауыру 173,5-ті құрады. Абсолютті түрде 32 526 жаңа жағдай анықталды. Сырқаттанушылықтың төмендеуі 11,4% құрады.

2020 жылы онкологиялық науқастар контингенті 190 159 науқасты құрады (2019 жылы – 186 326 пациент).

Онкологиялық аурулар құрылымында бірінші орында сүт безі қатерлі ісігі (13,2%); екінші орында – өкпе қатерлі ісігі (10,4%), үшінші орында колоректальды қатерлі ісік (9,6%) тұр.

Ауырғандардың жас құрылымында 56,0% – еңбекке қабілетті жастағы адамдар.

Онкологиялық науқастардың электрондық тіркелімінің деректері бойынша 2020 жылы ҚІ-дан болатын өлім-жітім көрсеткіші 100 мың тұрғынға шаққанда 75,5 құрады, бұл 14 150 жағдай. Өлім деңгейінің төмендеуі 0,7% құрады.

Өлім-жітім құрылымында бірінші орында – өкпе қатерлі ісігі (16,4%), екінші орында – асқазан қатерлі ісігі (11,5%), үшінші орында — колоректальды қатерлі ісік (10,7%) және сүт безі қатерлі ісігі (7,8%) тұр.

2020 жылы 0-I сатыдағы онкологиялық ауруларды ерте диагностикалау жаңа ҚІ жағдайларының жалпы құрылымында 25,5%-ды құрады. 2020 жылдың қорытындысы бойынша бес жылдық өмір сүру деңгейі 54,0% құрады (2019 жылы – 52,5%).

Ересек тұрғындарға онкологиялық көмекті республикалық ұйымдар – «Қазақ онкология және радиология ғылыми-зерттеу институты» АҚ (ҚазОжРҒЗИ), «Ұлттық ғылыми онкологиялық орталық» АҚ (ҰҒОО), өңірлерде 15 онкологиялық диспансер/Орталық, 5 онкологиялық бөлімше және 452 онкологиялық кабинет жүзеге асырады.