Halyk Bank біржолғы зейнетақы төлемдерін алуға өтінімдер қабылдауды бастады

0

Halyk Bank тұрғын үй жағдайларын жақсартуға арналған біржолғы зейнетақы төлемдерін (БЗТ) алуға өтінімдер қабылдауды бастады. Өтінімді үйден шықпай-ақ, Halyk (Homebank) мобильді қосымшасында онлайн беруге болады, деп хабарлайды Qainar.kz.

Halyk Homebank қосымшасына өтінім берер алдында өтініш беруші enpf.kz немесе egov.kz  сайттарында пайдалану үшін қолжетімді БЗТ нақты сомасын нақтылауы қажет.

Одан кейін ғана – БЖЗҚ-дан БЗТ алуға өтінімді Halyk (Homebank) қосымшасында онлайн беруге болады.

БЗТ алуға өтінімді қалай беру қажет?

1. Halyk (Homebank) қосымшасын Android және iOS смартфондарына арналған соңғы нұсқасына дейін жаңарту қажет;
2. Halyk (Homebank) қосымшасын ашып, бас экранда «БЗЖҚ төлемдерін» таңдау керек;
3. БЗТ алуға өтінімді толтырып, «Ресімдеу» батырмасын басу қажет;
4. Құжаттармен танысып, ЭЦҚ арқылы қол қою;
5. БЗТ-ға арналған арнайы шот болмаған жағдайда, ол автоматты түрде ашылады;
6. Өтінім жасалды және Банк оны қабылдады.

Halyk (Homebank) қосымшасында тіркелмеген клиенттерге Android немесе iOS смартфондарына арналған қосымшаны жүктеп, қосымшада тіркелу қажет, ал ары қарай жоғарыда берілген нұсқаулықты орындау керек.

БЗЖҚ өтінімді 5 жұмыс күнінен дейін қарайды, одан кейін клиентке SMS–хабарлама түрінде жауап жіберіледі. Ары қарай Банк біржолғы зейнетақы төлемдерін олардың нысаналы мақсаты бойынша БЗТ сомалары есепке жатқызылған күннен бастап 3 (үш) жұмыс күні ішінде клиенттің арнайы шотына аударады. Егер ақша 3 күннің ішінде таңдалған мақсатқа пайдаланылмаған болса, онда ол БЗЖҚ-ға қайтарылады. Банк БЗТ-ны аударуға байланысты ешқандай комиссия есептемейді.

Айта кетейік, бұдан бұрын Банк БЗТ-ны Halyk Bank арқылы қолдануға болатын үш негізгі мақсаты туралы хабарлады. Ол мақсаттарға:

• тұрғын үй сатып алуға және (немесе) бір шарт шеңберінде жөндеу жасаумен түрғын үй сатып алуға ипотекалық қарыз алу үшін бастапқы жарна енгізу;
• тұрғын үй сатып алуға және (немесе) бір шарт шеңберінде жөндеу жасаумен түрғын үй сатып алуға ипотекалық қарыз бойынша берешекті ішінара немесе толығымен өтеу;
• ипотекалық тұрғын үй қарызын қайта қаржыландыру жатады.

Құжаттардың толық тізімімен және оларды ұсыну тәртібімен:

• Halyk (Homebank) қосымшасында басты беттің «Инфо» бөлімінде;
• halykbank.kz сайтында Halyk Info бөлімінде танысуға болады.

Halyk Bank – тұрғын үй жағдайларын жақсарту мақсатында бірыңғай жинақтаушы зейнетақы қордан (БЖЗҚ) біржолғы зейнетақы төлемдерді (БЗТ) нысаналы мақсатына сай пайдалану бойынша уәкілетті оператор.

ҰҚСАС МАҚАЛАЛАРӨЗГЕ ЖАЗБАЛАР