Halyk Bank және «Халық» қоры су тасқынынан зардап шеккен қазақстандықтарға көмек ретінде өз қаражатынан 1 млрд теңге бөлу туралы бірлескен шешім қабылдады.

Еліміздегі ірі қаржы тобының басшылығы мемлекет тарапынан көрсетіліп жатқан қолдау шараларымен қатар, бұл жағдайға бей-жай қарамайтын азаматтар мен бизнес өкілдерінің қатысуымен жасалып жатқан бұл қадам табиғи апаттың зардабынан тезірек қалпына келуге көмектеседі деп үміттенеді.

Біз үйі мен мүлкінен айырылған, апаттан зардап шеккен азаматтарымызға шын жүректен жанашырлық танытамыз. Мұндай трагедияға бей-жай қарау мүмкін емес, осы ретте біз көмек қолын соза отырып, еліміздегі бұл қиын кезең мүмкіндігінше тезірек аяқталып, енді қайталанбайды деп шын жүректен үміттенеміз, – делінген банк пен Қордың бірлескен хабарламасында.

Ақтөбе, Қостанай, Батыс Қазақстан, Ақмола, Атырау, Қарағанды, Солтүстік Қазақстан, Түркістан, Алматы, Павлодар, Ұлытау және Абай облыстарында болған жаппай су тасқыны салдарынан осы өңірлердегі тұрғындардың үйлері су астында қалды.

Бүгінде 12 мыңнан аса адам эвакуацияланып, уақытша орналастыру пункттеріне жеткізілді.

Астанадағы Мұхтар Әуезов атындағы #86 мектеп-гимназиясының 1 «в» сыныбы Ұлыстың ұлы күні «Армысың әз Наурыз» атты мерекелік тәрбие сағатын өткізді, деп хабарлады Qainarinfo.kz.

Мектебіміздің жолға қойып отырған үштік одақ бағдарламасына сәйкес, ата-ана, мектеп, оқушы бірлесе отырып, ұлттық мерекемізді ұлықтап өттік.

Мерекелік іс-шарада ұлттық құндылықтар дәріптелді, атап айтсақ, сыныпта Қабланбек Әбілмансұр, Шәріпхан Асия айтыс өнерін жоғары деңгейде көрсете білді.

Ал ұлдар асық ойынында үздік мерген сайысын көрсетті. Бәдір Ернар, Бердалы Асанәлі секілді оқушылар асық ойынында шеберліктерін көрсетті.

Сынып сағатында арқан тарту, қыз қуу ойындары да қамтылып, барлық оқушылар белсенді қатысты.

Оқушылар ұлттық құндылығымызға қатысты ән және би өнерлерін көрсетті. Қыздар қамажай биін шарықтау шегіне жеткізе орындаса, ұлдар боз жорға биін тамаша сомдады.

Ата-аналар оқушыларға жаңа туған сәбиді, бесікке қалай салуды көрсетті. Салт-дәстүрімізді оқушылардың бойына сіңдіре білді.

Тәрбие сағатының ең маңызды кезеңі болған Наурыз туралы әжелер ой толғады. Наурызкөженің қалай дайындалатыны, не үшін дайындау керектігі туралы терең ұлттық тәрбие жүргізді.

Оқушылар наурызкөжеден дәм татты. Оқушылардың жүзінен бақыт пен шаттық нұры шашылып тұрды.

Тенизбаева Алтынкуль Кунтуовна

1 «в» сынып жетекшісі 

«Могул», «параллель могул» және «шаңғы акробатикасы» бағыттары бойынша фристайлдан FIS әлем кубогінің финалдық кезеңдерінің қорытындысы белгілі болды.

8-10 наурыз аралығында әлемнің фристайл қауымдастығының назары Шымбұлақ тау курортында болды.

Спорттық уикенд көрермендерге үш күн керемет сайыстар сыйлады, онда әлемнің фристайл жұлдыздары өздерінің өнерлері мен шеберліктерін көрсетті.

8 наурыз күні «Могул» бағыты бойынша сайыстар өтті, онда жүлделі орындарды келесі спортшылар иеленді.

Ерлер:
1. Kingsbury Mikael (CAN)
2. Hiroshima Ikuma (JPN)
3. Graham Matt (AUS)

Әйелдер:
1. Anthony Jakara (AUS)
2. Macuga Alli (USA)
3. Soar Hannah (USA)

Сондай-ақ аталған бағыт бойынша мезгілдің қорытындысы бойынша спортшылар марапатталды. Жалпы есепте бірінші орынның және кіші хрусталь глобустың иегерлері Ikuma Horishima (JAP) және Anthony Jakara (AUS) болды.

9 наурыз күні «параллель могул» бағытында әлемнің үздік атлеттерінің нағыз тартысты сайысы өтті.

Отандасымыз Павел Колмаков үлкен финалға өтіп, сол жақта ғана атақты канадалық фристайлшы Микаэлю Кингсбериден артта қалып, әлем кубогі кезеңінің күміс жүлдегері атанды.

Ерлер:
1. Kingsbury Mikael (CAN)
2. Kolmakov Pavel (KAZ)
3. Wendler Landon (USA)

Әйелдер:
1. Anthony Jakara (AUS)
2. Kauf Jaelin (USA)
3. Giaccio Olivia (USA)

10 наурыз – фристайл сайыстарының соңғы күнінде «шаңғы акробатикасы» бағыты бойынша жеңімпаздан іріктеу кезеңіндегі жүріп өтулердің қорытындысы бойынша анықталды. Оған ауа райының күрт құбылуы себеп болды (қатты тұман және спортшылардың секіруге мүмкіндіктерінің болмауы)

Іріктеудің қорытындысы бойынша:

Ерлер:
1. Qi Guangpu (CHN)
2. Wang Guochen (CHN)
3. Lillis Christopher (USA)

Әйелдер:
1. Thenault Marion (CAN)
2. Scott Danielle (AUS)
3. Kong Fanye (CHN)

Жалпы мезгілдің қорытындысы бойынша жалпы есепте шаңғы акробатикасы бағытында ерлер арасында Qi Guangpu(CHN), ал әйелдер арасында Danielle Scott (AUS) хрусталь глобустың иесі атанды. «Жылдың жаңа тұлғасы» атағын ерлер арасында Zhang Yifan (CHN), ал әйелдер арасында Tassia Taner (USA) иеленді. Ұлт кубогын АҚШ командасы жеңіп алды.

Сайыстарға 16 елдің халықаралық деңгейдегі 100-ден астам спортшысы қатысты. Қазақстанның атынан 15 спортшы шықты. «Могул/параллель могул» бағытында 10 атлет, «шаңғы акробатикасы» бағытында 5 атлет бақ сынады.

Халықаралық шаңғы спорты федерациясының (FIS) өкілдері:
Рейс директор – Андреа Риналди (FIS)
Рейс директордың ассистенті – Конрад Ротермунд (FIS)
Техникалық делегат – Сангмок Ли (FIS)
Бас төреші могул – Марко Кланкар (Словения)
Бас төреші акробатика – Тина Танака (Жапония)

SCIJ халықаралық журналистер шаңғы клубының 69-шы қысқы кездесуі алғаш рет Алматыда өтті. 32 елден 150-ге жуық журналист Қазақстанның оңтүстік астанасына барды.

Білікті журналистер арасында Түркі тілдес журналисттер қорының жас тілшілері және негізін қалаушы Нәзия Жоямергенқызы да болды.
Сонымен қатар, кездесу мәдени бағдарламаны қамтыды. Жоспарланғандай, жарысқа қатысты тақырыптар бойынша кәсіби талқылаулар, сондай-ақ жарысқа дейінгі экскурсиялар, яғни елмен танысу өтті.

Шымбұлақ тау курорты мен Алатау тау шаңғысы және биатлон кешенінде кәсіби тақырыптар бойынша жаттығулар мен жарыстар, пайдалы кездесулер және Қазақстанның мәдениеті мен тағамдарымен танысу 3-10 наурыз аралығында өтетін болады.

Альпі және шаңғы жарыстарында үш жас тобында алты медаль жиынтығы міндетті түрде беріледі. Кездесуді өткізу бойынша SCIJ бас серіктесі «Kazakh Tourism» ұлттық компаниясы болып табылады. Іс-шара Алматы қаласы әкімдігінің қолдауымен Шымбұлақ тау курортының 70 жылдығы аясында өтуде.

Scij (the Ski Club of International Journalists) беделді халықаралық журналист — Журналистер клубының кездесуін Туризм және спорт вице-министрі Серік Жараспаев ашты.

Сара ҮСЕН, 

Т.Жүргенов атындағы

Қазақ Ұлттық өнер академисының

“Медиа-журналистика” факультетінің

3-курс студенті 

Әл-Фараби атындағы Қазақ ұлттық университеті ЮНЕСКО-ның журналистика және коммуникация кафедрасы Тұрақты даму бойынша ЮНЕСКО кафедрасымен бірлесіп ЮНЕСКО белгілеген халықаралық Білім күні аясында III PR Қысқы мектебін өткізеді.

Қысқы PR мектепке Қазақстан, Германия, Британия, Түркия, Ресей елдерінен БАҚ өкілдері, PR мамандары, ЖОО оқытушылары мен Ауғанстан, Йемен елдерінен студенттер, магистранттар, докторанттар қатысады. Қысқы мектеп аясында «Халықаралық журналистика және PR» апталығы өткізіледі.

26 ақпан – 5 наурыз аралығында гибридтік форматта халықаралық ұйымдар өкілдерінің, танымал PR, медиа мамандар шеберлік сабақтарын өтеді. 

Іс-шараның өткізілетін орны: «Әл-Фараби» кітапханасы, 409 конференц-зал (4 қабат). Басталуы: 10.00-де.

Іс-шараның ресми серіктестері:

Алматы қ. ЮНЕСКО Кластерлік бюросы;

«Түркітілдес журналистер қоры» ҚҚ;

«PR-шы» клубы.

III ХАЛЫҚАРАЛЫҚ PR ҚЫСҚЫ МЕКТЕБІНІҢ БАСТЫ БАҒЫТТАРЫ

Halyk Bank басқарма төрайымы Үміт Шаяхметова Алматыда өткен Women in Business халықаралық іскер әйелдердің форумына қатысты.

Басқарма төрайымы бүгінде бизнес жүргізуде әйелдер ер адамдардан кем түспейтінін атап өтті.

Банк басқарма төрайымы форумда сөйлеген сөзінде 2023 жылды қорытындылап, 2024 жылға өз болжамын айтты.

Жағдай тұрақталды, біз жақсы экономикалық өсім көрсеттік. Банкирлер ретінде біз үшін үлкен мәселе болды — санкцияларды сақтау. Біз банк ретінде санкциялық шектеулерге байланысты белгілі бір мәмілелерді жоғалттық. Дегенмен кез келген уақытта көптеген күтпеген жағдайларға, мысалы, мемлекеттік саясаттағы, геосаяси алаңдағы өзгерістерге үйреніп қалдық. Бизнесті жаңа жағдайларға бейімдеуді үнемі талап ету қалыпты жағдайға айналды, – деді банк басқарма төрайымы.

Шаяхметованың айтуынша, былтыр экономикалық өсім 5% көрсетіп, инфляция 9,8%-ға төмендеген. Сондай-ақ, ол базалық мөлшерлеменің төмендегенін атап өтті. Айтуынша, 2024 жылдың қаңтарында базалық мөлшерлеме 15,25%-ға дейін төмендеген.

Осы ретте банк басқарма төрайымы жыл соңына қарай базалық мөлшерлеме қандай болатынына болжам жасады.

Біздің болжамымыз бойынша, жыл соңында базалық мөлшерлеме шамамен 12% болады, яғни ол төмендей береді, ал теңге бағамы шамамен 485 теңге болады деп болжап отырмыз. Ал инфляция Үкімет пен Ұлттық Банк болжамынша, 8% шамасында болады«, – деді Halyk Bank басқарма төрайымы.

Сондай-ақ, Үміт Шаяхметова еліміздегі несиелеу мәселесіне тоқталды. Айтуынша, негізгі өсім бөлшек портфельде байқалды. Басқарма төрайымы Halyk Bank бөлшек портфеліндегі несиелеудің өсімі 30%-ға жетіп, бизнеске арналған кредиттік портфель 13%-ға өскенін атап өтті.

Негізгі өсім қараша-желтоқсан айларында тіркелді. Мен мұны базалық мөлшерлеменің төмендеуімен байланыстырамын, өйткені бизнес үшін 20-25%-ға несие алу өте қымбат, себебі маржаны да сақтау қалу керек. Бүгінгі теңге мен рубль арасындағы диспропорцияға байланысты ресейлік өндірушілер тарапынан үлкен бәсекелестік бар, сондықтан да біздің өндірушілерге жоғары мөлшерлемемен бәсекелесу қиынға соғады, – дейді Шаяхметова.

Бұдан бөлек, Шаяхметова елімізде 2024 жылы басталған жалпыға бірдей декларациялау тақырыбына тоқталды.

Өте үлкен мәселе – ақпараттың құпиялылығы. Мысалы, өткенде ҚазҰУ тізіміне байланысты шыққан жанжал (студенттердің интимдік өмірі туралы таралған жеке ақпарат). Сонымен қатар, алаяқтық мәселесі – алаяқтардың деректерді қайдан алғаны белгісіз. Бұдан басқа, салық төлеушілердің мәселесі – олар декларацияны қалай қолданады, әлі белгісіз. Есеп берудің нақты түрлері әлі жоқ. Дәл қазіргі кезең бұл қаржыгерлер мен салық салушыларға арналған уақыт – мысалы, консалтингтік бизнес ашуға болады, біз де банк ретінде бұл туралы ойланып жатырмыз, – деп қорытындылады Үміт Шаяхметова.