“Шеврон” компаниясының Қазақстандағы бөлімшесі “Шеврон Мұнайгаз Инк.” бүгін Қазақстандағы Тікелей инвестиция қорына қатысты веб-сайтты іске қосты, деп хабарлады Qainar.info.
Веб-сайт цифрлық платформа ретінде қазақстандық бизнес-қауымдастыққа инвестициялық жобаларды қаржыландыруға өтінім тапсыру үшін инвестициялық мүмкіндіктер мен Қор қызметі туралы ақпарат беруге арналған.
“Веб-сайтты іске қосқанда, “Шеврон” жергілікті қазақстандық кәсіпкерлерге өз ісін бастауға немесе дамытуға, өнімдері мен қызметтерін дамытуға қаржыландырудың жаңа ресурсы пайда болады”, – деді “Шеврон” компаниясының Еуразия бөлімшесінің басқарушы директоры Джон Балтц.
Қазақстан Республикасы Энергетика министрлігі мен “Шеврон” компаниясы 2021 жылғы 11 қазанда 248,5 млн АҚШ доллары көлемінде Тікелей инвестициялар қорын құру бойынша Өзара түсіністік туралы меморандумға қол қойды.
Қор “Шеврон” компаниясының цифрлық технологиялар, қоршаған ортаны қорғау, энергетикалық саласына тауар өндіру және қызмет көрсету сияқты әртүрлі салалардағы жергілікті коммерциялық кәсіпорындарға инвестиция салу арқылы Қазақстан экономикасына қолдау көрсету құралы.
Шеврон – дүниежүзіндегі жетекші интеграцияланған энергетикалық компаниялардың бірі.

Анадолы спорт журналистері ассоциациясының 12-құрылтайы мен Анадолыдағы ақпарат құралдарының медиа форумы Түркияның Гемлик қаласында 10-12 желтоқсан арасында өтті, деп хабарлады Qainar.info.
Шарада Анадолы спорт журналистер ассоциациясының атауы Анадолы журналистері мен спорт тілшілері ассоциациясы боп өзгерді. Төраға Ибрахим Ердоған Ассоциациясының 9 жаңа мүшесімен кеңейтілген тізім арқылы бірауыздан қайта сайланды.
Бурсаның Гемлик ауданындағы “Atamer Doğa Resort” қонақүйінде өткен медиа форумға Түркия Республикасы Ұлттық Мәжіліс депутаты Атилла Сертел, CHP партиясы төрағасының орынбасары Сейіт Торун, Гемлик қаласының губернаторы Мехмет Уғур Сертаслан, Нилүфер ауданының губернаторы Тургай Эрдем, саяси қайраткерлер, Түркияның барлық қала, аймақтарынан БАҚ өкілдері қатысты.
Медиа форумда “Түркі әлемі, Ататүрік және медиа” тақырыбына баяндамалар жасалды. Медиа форумға қазақстандық БАҚ делегациясын бастап барған Түркітілдес журналистер қорының президенті Нәзия Жоямергенқызы Алаш арыстарының қазақ баспасөзін қалыптастырудағы рөлін айта келе, “Әлемдегі барлық ақпарат құралдары Ахмет Байтұрсынұлы үндегендей, “халықтың көзі, құлағы һәм тілі болуға міндетті”, — деді. Н.Жоямергенқызы түркі әлемі журналистерінің бірлігін арттыру үшін кәсіби алаңда ортақ жобалар жасау, маңызды ақпараттарды бір-біріне жедел жеткізу, кәсіби тұрғыда тәжірибе алмасу, түркі халықтарының тұрмыс-тіршілігі, салт-дәстүрі, тарихын және түркі мемлекеттеріндегі танымал тұлғаларды БАҚ арқылы насихаттау туралы айтты.

Өз кезегінде түркиялық журналистер Йүксел Байсал мен Нежати Картал түрік және әлемдік медианың жаңа үдерістері, бәсекеге қабілетті болу жолдары жайлы айтты.
Шара соңында 2022 жылы жүзеге асырылатын жобалар талқыланды.

Балалар мен ересектерге экологиялық білім беру саласындағы «Экопатруль» жобасы экологиялық мәселелерді шешу үшін қоғамдық белсенділердің, волонтерлердің және қаланың білім беру мекемелерінің күштерін жұмылдыруда. Жоба Орталық Азияның Еуразия қорының «Шеврон» компаниясымен әріптестікте әзірлеген «Qolda 3.0» жедел көмек бағдарламасы аясында «Отбасы орталығы» қоғамдық қорымен жүзеге асырылып келеді, деп хабарлады Qainar.info.

Жоба аясында қаланың қоғамдық топтары ШҚО Жол картасы бойынша экологиялық мәселелерді талқылауға қатысты. Жол картасы жаңа қоқыс өңдеу зауытының қызметі, қоқыс полигонының жерлерін пайдалану, қатты тұрмыстық қалдықтарды бөлек жинау, қайта пайдалану және кәдеге жарату, білім беру мекемелеріндегі тұрақты эко-білім беру алаңдары сияқты аспектілерді қамтиды.

Талқылау диалогтық алаңдар, қоғамдық пікір көшбасшыларының, ұйым кураторлары мен мектеп меңгерушілерінің қатысуымен онлайн және офлайн семинарлар сияқты түрлі форматтарда өтті. Іс–шараларға тікелей 500 адам қатысты, оған қоса 10 000 адам жанама қатысты.

«Экопатруль» жобасы бұрын жыл сайын әкімдіктің қолдауымен өткен «Гүлдердегі қала» қалалық акциясын өткізу дәстүрін жандандырды. ПИК және мекемелер қоқысты сыртқы дизайнда және аулаларды көгалдандыруда қайта пайдалану бойынша креативті идеяларды ұсынды.

«Инновациялық педагогикалық идеялардың әдістемелік жинағы» акциясының арқасында жоба командасы Семей қаласының балабақшаларын, мектептері мен колледждерін білім беру ұйымдарын экологияландыру және оқушылардың эко ойлауын қалыптастыру қозғалысына тартты. Қатты тұрмыстық қалдықтарды жинау және кәдеге жарату, балалар мен ұжымды экологиялық бастама төңірегінде біріктіру бойынша білім беру ұйымдарының жетістіктері Семей қаласы мектептерінің айрықша белгісіне айналды.

Жоба сонымен қатар оқушыларды ғылыми зерттемелерге шабыттандырды. «Менің көміртегі ізім» акциясы аясында Семей қаласының радиотехника және байланыс колледжінің студенттері жеке көміртегі ізін есептеуге арналған онлайн-калькуляторды таныстырды. Бұл – барлығына ресурстарды тұтынудың өзіндік мөлшерін есептеуге мүмкіндік беретін үлкен жұмыс нәтижесі.

Жобаның басты жетістігі Шығыс Қазақстан облысында Бородулиха әлеуметтік қызмет көрсету орталығында алғашқы экотерапия бөлмесінің ашылуы болды. 105 адамды сыйдыра алатын экобөлме мүгедектігі бар адамдар мен қарт адамдар үшін жаңа әрі сергітерлік тәжірибеге айналды.

«Экотерапия бөлмесінің ашылуы әлеуметтік қорғау мекемелеріндегі микроклиматты және қамқорлықтағы адамдар арасындағы өзара қарым-қатынасты жақсартуға мүмкіндік береді. Экобөлме білім беру мекемелерінің эковолонтерлері кездесе алатын аумақ болды», – деп атап өтті қор координаторы Николай Лылык.

Жоба жетекшісі Жанна Жибраева алдағы жоспарларымен бөлісті: «Қараша айының соңында біз психоневрологиялық аурулары бар 400-ден астам адам тұратын №1 Семей арнайы әлеуметтік қызмет көрсету орталығында тағы бір экобөлмені ашуды жоспарлап отырмыз. Бөлменің орналасуы одан әрі ауқымды және ойластырылған болады».

Желтоқсан айында жобаны қорытындылау ретінде «2021 эковолонтерлер форумын» өткізу жоспарлануда. Онда «Экопатруль» қозғалысының ең белсенді азаматтары мен мүшелерінің еңбегі атап өтіледі. Іс-шараны ұйымдастыруға қордың серіктестері ғана емес, қалалық және облыстық әкімдіктер де тартылған.

2021 жылдың 20 және 27 қарашасында (сенбі күндері) Қазақ онкология және радиология ҒЗИ-да 09:00-ден 14:00-ге дейін халыққа арналған ашық есік күндері өтеді. Акция Қазақстан Республикасының Тұңғыш Президенті күніне орайластырылған, деп хабарлады Qainar.info.

Акция шеңберінде жетекші онколог мамандардан халықтың келесі санаттары тегін кеңестер ала алады:

– 18-25 жастағы қыздар мен әйелдер: онкогинекологтың консультациясына, онкоцитологияға сүртінді алу және кіші жамбас ағзаларының УДЗ көрсетілімдері бойынша АПВ-тест тапсыра алады;

– Асқазанның созылмалы аурулары бар немесе жоқ 40 жастағы немесе 40-тан асқан ерлер мен әйелдер, бейнеэзофагогастроскопия зерттеуінен (зерттеу аш қарынға жүргізіледі);

– 50 мен 70 жастағы ерлер мен әйелдер-онкологтың консультациясын, кеуде қуысы ағзаларының төмен мөлшерлі компьютерлік томографиясынан өте алады.

Консультациялар мен тексерулер тегін жүргізіледі.

Мекенжайы: Алматы қаласы, Абай даңғылы, 91, Шәріпов көшесінің қиылысы (кіреберіс Абай жағынан).

Байланыс орталығының телефоны 8727 349 61 16.

Алматы қаласы бойынша Қылмыстық-атқару жүйесі департаментінде Халық қаҺарманы Ғазиз Байтасовты еске алуға арналған іс-шара өтті, деп хабарлады Qainar.info.
ҚАЖД жеке құрамы бүгінгі күннің батыры Ғазиз Байтасовты бір минут үнсіздік жариялап еске алды.

Халық қаһарманы Ғазиз Байтасов ішкі істер органына берген антына адалдық танытып, небәрі қырық жасында қауіпті террористі ұстау барысында ерлікпен қаза тапқан болатын. Биыл Ғазиз Байтасовтың ерлігіне 10 жыл толды. Бүгінде оның ерлігі құқық қорғау саласында қызмет істеп жүрген әрбір азамат үшін ерліктің үлгісі болып саналады. Өзінің батыл әрекетімен қаншама бейбіт тұрғынның өмірін құтқарып қалған Ғ.Байтасовтың есімі әріптестерінің жадынан ешқашан өшпейді.

Ғ.Байтасовты еске алу шарасы кезінде Алматы қаласы бойынша ҚАЖД жеке құрамы бүгін ЛА-155/6 мекемесінде қызмет атқарып жүріп, сотталғандардың қашуына жол бермеймін деп, өзі солардың қолынан қаза тапқан ішкі қызмет лейтенанты А.Сабырбековке қойылған ескерткішке гүл шоқтарын қойып, антына адал әріптестерін де еске алды.